28 верасьня Паўла Севярынеца на пяць дзён адпусьцілі ў Віцебск. Ён узяў адпачынак на гэты час, каб знаходзіцца на сувязі падчас Кангрэсу дэмсілаў.

Пасьля другога выбуху ў Віцебску, што адбыўся праз тыдзень пасьля першага - 22 верасьня, беларускае грамадзтва ну ні як ня можа паверыць у вэрсію хуліганства. Улады заявілі пра арышт пяці чалавек, каторыя падазраюцца па дадзенай справе. Але чамусьці супрацоўнікі МУС пачалі праводзіць ператрусы ў кватэрах дэмакратычных актывістаў Віцебску, што наштурхоўвае на думку, пра адсутнасьць ва ўладаў вэрсіяў выбуху ці наадварот - пра наяўнасьць сваёй, даўно распрацаванай вэрсіі.

На сёньняшняй прэсавай канфэрэнцыі Малады Фронт выказаў сваю пазыцыю наконт адзінага кандыдата. Паводле рашэньня Цэнтральнай Рады, галоўнага кіруючага воргану МФ паміж з'ездамі, маладафронтаўцы падтрымаюць на Кангрэсе дэмакратычных сілаў Аляксандра Мілінкевіча.

Тэст на "гарбату" Малое Сітна не прайшло. Рэакцыя сталоўніцы Тацяны, якая гатуе абед для тых, хто працуе на пагрузцы лесу, на просьбу "наліць шклянку гарбаты" мала чым адрозьнівалася ад шоку прадавачкі сталічнае крамы. Тацяна нема застыла ля акенца з апалонікам у руцэ, умольна гледзячы на наступную ў чарзе кабету. "Гарбаты?.."

- І чаго ты на мяне смотрыш? - ня вытрымала тая. - Я ваабшчэ расіянка, ня знаю, што там у вас "гарбата" называецца. Наверна, чай.

Мы стаім на паўразбуранай бэтоннай кладцы сярод спакойнага возера. З-за соснаў даносіцца гук вады, якая вадаспадам ліецца з дамбы. Рэспубліканскі клінічны шпіталь мэдыцынскай рэабілітацыі больш падобны на дом адпачынку. Сяржук Бахун усьміхаецца і жартуе.

Каб не ссутуленая пастава (не даюць цалкам выпрастацца швы) ды доўгі шнар на шыі, цяжка было б здагадацца пра тое, што малады хлопец змагаецца з ракам шчытападобнай залозы.

Міліцыя працягвае шукаць арганізатараў выбуху ў Віцебску 22 верасьня. На дадзены момант некалькі чалавек затрыманыя ў якасьці падазраваемых, але наўрад ці ў праваахоўных ворганаў ёсьць нейкія вэрсіі. Пра гэта сьведчаць ператрусы ў кватэрах моладзевых лідэраў Віцебску.

Прадстаўнікі аддзелаў па барацьбе з арганізаванай злачыннасьцю распачалі свой рэйд 24 верасьня, а палове на другую ночы, з кватэры маладафронтаўкі Алены Стук.

Учора ўвечары Паўла Севярынца ў Малым Сітне, дзе ён адбывае двухгадовае абмежаваньне волі, наведалі сустаршыня Маладога Фронту Зьміцер Дашкевіч і намесьнік старшыні АГП Сяргей Альфер. Наведвальнікі прывезлі Паўлу прадукты, газыты і зрабілі запіс выступу Паўла, якім будзе адчынены Кангрэс дэмакратычных сілаў Беларусі.

Калі на міліцэйскім "жыгулёнку" мяне везьлі са спэцкамэндатуры Ветрына ў лясгас у вёсцы Малое Сітна, амаль усе 50 кілямэтраў ад Полацку паабапал дарогі стаяў лес. Дастаў мапу, і ў вочы адразу кінулася: Залесьсе, Запалянкі, Замхі, Дуброўка, Бярозна, Алешча... Поўнач Полаччыны нароўні з глухім Палесьсем Лельчыцаў - самыя нетры Вялікага Беларускага Лесу, напэўна, з таго часу, як Іван Жахлівы ў Інфлянцкую вайну папаліў усе ваколіцы Полацку. На паўтысячы гадоў тут запанаваў гушчар.

У Жодзіне актывіст “Маладога Фронту” Сяржук Мурашка судзіўся з кіраўніцтвам політэхнікуму, якое адлічыла яго з навучальнай установы. Сёньня Жодзінскі гарадзкі суд стаў на бок адміністрацыі тэхнікуму.

Як вынікае з рашэньня судзьдзі Алы Паплеўкі, кіраўніцтва політэхнікуму адлічыла Сержука Мурашку без парушэньня заканадаўства. Аднак сам актывіст “Маладога Фронту” лічыць інакш:

Шэсьць гадоў таму, 16 верасьня 1999-га, па дарозе дадому зьніклі былы віцэ-прэм'ер і кіраўнік Цэнтравыбаркаму Віктар Ганчар і ягоны сябар бізнэсовец Анатоль Красоўскі. Каб адзначыць гэтую дату, у Менску ў пятніцу, нягледзячы на кепскае надвор'е, сабралася больш як сотня чалавек з партрэтамі зьніклых. Акцыю разагналі амонаўцы.

Сёньня ў Жодзіне мясцовы суд пачаў разгляд скаргі актывіста "Маладога Фронту" Сяргея Мурашкі на выключэньне яго з Жодзінскага палітэхнікума. Нагадаем, актывіст моладзевага руху да траўня сёлетняга году вучыўся тут на другім курсе, аднак пасьля ўдзелу ў апазыцыйнай чарнобыльскай акцыі ў Менску яго адлічылі з навучальнай установы.

- Малады Фронт разам з іншымі дэмакратычнымі арганізацыямі Беларусі бярэ ўдзел ва ўсіх інфармацыйных кампаніях і акцыях, якія патрабуюць ад беларускіх ўладаў адказу на пытанні: “Дзе Ганчар, Красоўскі, Захаранка, Завадскі?”

Мы памятаем, як шэсць год таму беларуская моладзь, студэнцтва, якое выхоўвалася яшчэ ў часы адноснай свабоды, збіралася на такія акцыі. Збіралася, бо людзьмі кіравала вялікае пачуццё адказнасці за сваю краіну.

Павал Севярынец, які адбывае 2 гады абмежаваньня волі ў лясной вёсцы Малая Сітна (Полацкі р-н, 5 км. ад мяжы з Расеяй), атрымаў адказ са спэцкамэндатуры ў Ветрыне адносна наведваньня багаслужбаў. Справа ў тым, што ў радыюсе 20 км. ад вёскі няма ніводнае праваслаўнае царквы, а Паўлу Севярынцу выезд за межы Малога Сітна, дзе ён жыве, і станцыю Алёшча, дзе працуе, забаронены.

Начальнік Папраўчае Ўстановы Адкрытага Тыпу №5 Аляксандар Іванавіч Дамуць даў дазвол Паўлу наведваць набажэнства ў Полацку, але чамусьці "у выглязе выключэньня" і толькі раз на месяц.

16 верасьня, у пятніцу, а 18-й гадзіне неабыякавыя людзі зьбяруцца на Кастрычніцкай плошчы. Бяз запрашэньняў, па клічу сэрца і сумленьня. Шэсьць год таму, у Менску, было здзейснена жудаснае злачынства. "Эскадрон сьмерці" скраў Віктара Ганчара і Анатоля Красоўскага.

Злачынства не раскрытае, не таму, што не хапае прафісыяналізму сьледчым, ці няма доказаў. Проста сувязі "эскадрона сьмерці" вядуць пад "дах" улады.

Сёньня ноччу ў Менску зьявіўся шэраг графіці з надпісамі "Жыве Беларусь" і "Малады Фронт", а на праспэкце Скарыны залуналі бел-чырвона-белыя сьцягі. Гэтым маладафронтаўцы адзначылі васьмігодзьдзе сваёй арганізацыі.

На выходных свой чарговы дзень горада адзначалі Смалявічы, і хаця сёлетняя дата не была юбілейнай, у горадзе былі арганізаваны масавыя гуляньні моладзі. Актывісты Маладога Фронту узьнялі па-над натоўпам некалькі бел-чырвона-белых сьцягоў.

У нядзелю, 4 верасьня, вёску Малая Сітна, дзе адбывае пакараньне за масавыя хваляваньні пасьля рэфэрэндуму 2004 году Павал Севярынец, наведалі адзін з лідэраў беларускіх дэмсілаў, гэнэрал-маёр Валеры Фралоў і сустаршыня Маладога Фронту Зьміцер Дашкевіч.

Наведвальнікі прывезьлі Паўлу Севярынцу сьвежых газэтаў і прадукты, Валеры Фралоў падараваў яму невялічкі тэлягляд. "Ну вось, цяпер буду ведаць усе навіны!" - пажартаваў Павал, "намацаўшы" на тэляглядзе два тэлеканалы - ОНТ і БТ.

Актывісты Маладога Фронту, разам зь некаторымі прадстаўнікамі беларускае эміграцыі й чэскае грамадзкасьці, усклалі кветкі да помніку нашаму славутаму перашадрукару ў Празе. Перад усімі прысутнымі была зачытаная прамова аб тым, якое вялікае месца ў гісторыі нашае дзяржавы займае асоба Францыска Скарыны.

Сёньня, 2 верасьня, у жодзінскім судзе адбыўся папярэдні разгляд скаргі на выключэньне з Жодзінскага палітэхнічнага тэхнікуму сябра Маладога Фронту Сяржука Мурашкі.

Пасьля таго, як Паўла Севярынца адправілі адбываць двухгадовае пакараньне абмежаваньня волі ў лясную вёску Малое Сітна (56 км. ад Полацку, 5 км. да мяжы з Расеяй), больш за 30 чалавек наведалі палітвязьня, каб выказаць падтрымку і салідарнасьць, перадаць неабходныя рэчы.

Малады Фронт запрашае ўсіх каму не абыякавы лёс Беларусі далучацца! Адбудуем разам - дэмакратычную, незалежную бацькаўшчыну!

тэл.: 8 029 755 69 90, e-mail: mfront@tut.by