Пытаньне аб адлічэньні з каледжу маладафронтаўкі Юлі Міхайлавай будзе разглядацца ў наступную сераду на адмысловай педагагічнай нарадзе.

Актывістка МФ, сястра зьняволенага Яна Міхайлава, Юля Міхайлава прапусьціла навучальны дзень у сувязі з судовым працэсам над братам:

"У першы дзень суду, у мінулую пятніцу, мяне вызвалілі ад вучобы. Калі я папрасіла падпісаць хадайніцтва аб вызваленьні ад заняткаў у панядзелак, бо ў гэты дзень выносіўся прысуд майму роднаму брату, дырэктарка каледжа Раеўская Тамара Аляксандраўна адмовіла, патлумачыўшы, што суд над братам - прычына непаважлівая. Такая ж была рэакцыя й куратаркі. Зразумела, што на суд я пайшла без дазволу", - апавяла Юля Міхайлава.

Працяг ...