Сябры Маладога Фронту, сёньня, правялі чарговую агітацыйную акцыю ў падтрымку адзінага кандыдата ад дэмакратычных сілаў Аляксандра Мілінкевіча.

Маладафронтаўцы на станцыях мэтро Якуба Коласа і Кастрычніцкая раздалі блізу дзесяці тысячаў газэт "Народная Воля" з вытрымкамі праграмы адзінага кандыдата і распаўсюдзілі таксама некалькі тысячаў каляндарыкаў на бягучы год з выяваю Аляксандра Мілінкевіча.

Па словах арганізатараў акцыі, менчукі вельмі актыўна рэагавалі на распаўсюд інфармацыйных матэрыялаў пра Мілінкевіча. Часта каля маладафронтаўцаў зьбіраліся чэргі, людзі прасілі па некалькі асобнікаў газэтаў і каляндарыкаў, каб раздаць сябрам і знаёмым.

Кампаніі "Мы хочам новага!" і "Достал!", якія праходзяць ва ўсіх рэгіёнах Беларусі, дайшлі і да муроў старажытнага Нясьвіжу.

Як паведамляе прэс-служба нясьвіжскага Маладога Фронту днямі надпісы "Новага!" і "Достал!" зьявіліся ў іх горадзе. На гэтай падставе аднаго зь лідэраў МФ Нясьвіжу Насту Азарку выклікалі ў раённае адзьдзяленьне ўнутраных справаў, дзе ёй паведамілі, што ў сувязі зь зьяўленьнем у горадзе палітычных надпісаў узбуджана крымінальная справа па арт. 171 крымінальнага кодэксу, а Наста зьяўляецца адным з падазраваных. Таму ў яе забралі пашпарт зазначыўшы, што аддадуць яго пасьля завяршэньня сьледзтва.

Наш сайт будзе паведамляць пра далейшае разьвіцьцё падзеяў.

У менскай штаб-кватэры Беларускага Народнага Фронту адбылася сустрэча прадстаўнікоў рэгіянальнага самвыдату зь сябрамі штабу Аляксандра Мілінкевіча. Арганізатарамі імпрэзы выступілі лідэры Цэнтру падтрымкі выдавецкіх ініцыятываў.

Мэтай сустрэчы было інфармаваньне выдаўцоў у гарадах і мястэчках Беларусі пра выбарчую кампанію.

Малады Фронт распачаў чарговую акцыю салідарнасьці з палітычным вязьнем Паўлам Севярынцам, каторы адбывае двухгадовае пакараньне за арганізацыю масавых акцыяў пратэсту супраць рэфэрэндуму 2004 году на лесапавале ў весцы Малое Сітна на Поўначы Беларусі.

Прэзэнтацыі ягонае кнігі "Нацыянальная ідэя. Фэнамэналёгія Беларусі" пройдуць у Берасьці, Горадні, Магілёве, Віцебску, Гомелі, Воршы, Баранавічах, Полацку й Наваполацку, Бабруйску, Жлобіне, Жодзіне, Мастах і Барысаве.

За спробу зьняць дзяржаўны чырвона-зялёны сьцяг з даху Менгарвыканкаму і замяніць яго на нацыянальны бел-чырвона-белы судзьдзя Маскоўскага раёну Тацяна Ўнукевіч пакарала 24-гадовага актывіста Зьмітра Касьпяровіча арыштам на пяць месяцаў.

Судзьдзя Унукевіч клясыфікавала ягоныя дзеяньні як злоснае хуліганства. Зміцер Касьпяровіч прызнаў, што сапраўды спрабаваў сарваць чырвона-зялёны сьцяг з даху Менскага гарвыканкаму і хацеў усталяваць бел-чырвона-белы

26 лютага, пасьля завяршэньня дзесяці сутак адміністратыўнага арышту за акцыю "Салідарнасьці" 16 лютага, са Спэцпрыёмніка-разьмеркавальніка на вуліцы Акрэсьціна, былі вызваленыя тры актывісты "Маладога Фронту".

Хлопцаў сустрэлі некалькі дзесяткаў сябраў і паплечнікаў з "Маладога Фронту" і руху "Зубр".

У суботу, на малой Радзіме "вялікага Брата", пры спробе разгарнуць "анцігасударственую дзеяцельнасьць" быў затрыманы лідэр магілёўскага Маладога Фронту Сяржук Нягацін.

Як распавядае Сяржук, вышэйадзначаная фармулёўка затрыманьня, была складзена на падставе канфіскаваных агітацыйных матэрыялаў Мілінкевіча, налепак "Мы хочам новага!" і "За свабоду".

Малады Фронт Салігоску правёў пікет каля цэнтральнага рынку ў падтрымку Аляксандра Мілінкевіча. Лідэры салігорскага МФ Дзяніс Карноў і Іван Шыла, каля галоўнага гарадзкога рынку, вывесілі расцяжку "Мілінкевіч - Умее працаваць, Любіць Беларусь, Ведае што рабіць".

Акцыя мела вялікі грамадзкі рэзананс.

Лідэр гарадзенскага Маладога Фронту Яўген Скрабутан атрымаў па пошце паведамленьне з адміністрацыйнай камісіі Кастрычніцкага раёну Горадні.

Яго аштрафавалі на 29 тысячаў рублёў нібыта за распаўсюд друкаваных выданьняў, "зьмест якіх накіраваны на прычыненьне стратаў дзяржаўнаму і грамадзкаму парадку, правам і законным інтарэсам грамадзянаў".

23 лютага сьледчы Першамайскага РАУС патэлефанаваў аднаму з каардынатараў моладзевага супраціву "Зубра" Аляксею Шыдлоўскаму і прэс-сакратару "Зубра" Аляксандру Атрошчанкаву і прапанаваў ім зьявіцца 24 лютага на допыт у якасьці сьведак па справе аднаго зь лідэраў "Маладога Фронту" Артура Фінькевіча.

Пасьля таго, як маладыя людзі папрасілі даслаць ім позвы ва ўсталяваным законам парадку, сьледчы праявіў дзіўную настойлівасьць, пагражая тым, што абвесьціць абодвух у вышук.

Нягледзячы на моцны ціск з боку міліцыі і КДБ Салігорскі Малады Фронт працягвае актыўную дзейнасьць. Увечары 23 лютага некалькі актывістаў МФ здзейсьнілі арыгінальную акцыю, расфарбаваўшы у бел-чырвоны-белы колер надпіс "Солигорск", які знаходзіцца на ўездзе ў горад. Акцыя прайшла паспяхова.

Сёньня маладафронтаўцы перадалі Артуру Фінькевічу, каторы знаходзіцца ў сьледчым ізалятаы на "Валадарцы", прадукты харчаваньня і іншыя рэчы. Але супрацоўнікі СІЗА №1 адмовіліся ўзяць Біблію, заявіўшы што Сьвятое Пісьмо не ўваходзіць у пералік дазволеных для перадачы выданьняў.

Па інфармацыі праваабарончай службы Маладога Фронту зараз рыхтуецца скарга на дзеяньні супрацоўнікаў сьледчага ізалятара, кіраўніцтву СІЗА. Калі высьветліцца, што на "Валадарцы" існуе афіцыйная забарона на перадачу Бібліі арыштантам, праваабарончая служба МФ будзе рыхтаваць скаргі ва ўсе вышэйстаячыя інстанцыі і міжнародныя праваабарончыя арганізацыі.

Насуперак гвалтоўным рэпрэсыям, якія ўжывае беларускі дыктатар у дачыненьні да сваіх суграмадзянаў, усё большт і больш беларусаў патрабуюць "НОВАГА!".

Як паведамляе прэс-служба Маладога Фронту Жодзіна, днямі графіці "Мы хочам новага!" і "Достал!" зьявіліся ў іх горадзе.

Сёньня Яўген Скрабутан, лідэр "Маладога Фронту" Гародні, атрымаў афіцыйную пастанову аб адлічэньні з Гарадзенскага Дзяржаўнага Ўнівэрсытэту.

Падставаю для гэтага рашэньня стала рашэньне Мастоўскага раённага суду, які абвінаваціў Яўгена ў распаўсюдзе друкаванае прадукцыі бяз выходных дадзеных.

Гавораць, што "ад сэсіі да сэсіі жывуць студэнты весела." Але ж, ці так проста жывецца сеньня беларускаму студэнту?

Не будзем казаць ад імя ўсіх студэнтау, а сваю родную "alma mater" бокам не абыйдзем.

20 лютага ў цэнтры Жодзіна зьявіліся надпісы фарбай "Don't stop hooligans!", "Зьнішчым антыфу", фашыстоўскія свастыкі з надпісам "За Беларусь!".

Сябры "Маладога Фронту" Жодзіна лічаць, што гэта ёсьць меры псыхалягічнага ўздзеяньня ў першую чаргу на дэмакратычных актывістаў. Гэтаму сьведчаць месцы, у якіх наносіліся фашыстоўскія лёзунгі. Свастыкі зьявіліся на ўваходзе ў пад'езды актывістаў МФ.

Дадзены факт паказвае, што праваахоўныя ворганы гораду ў той час, каб змагацца з сапраўдным экстрэмізмам, арганізоўваюць перасьлед за прыхільнікамі дэмакратычных пераўтварэньняў і выклікаюць іх на "размовы" ў міліцыю.

20 лютага старшыня Баранавіцкага "Маладога Фронту" Сяржук Марчык, які вучыўся на другім курсе Баранавіцкага Дзяржаўнага Універсітэту на фінансава-прававым факультэце, атрымаў копію загаду за подпісамі рэктара Васіля Качурка і дэкана факультэта Марыны Юнкевіч аб адлічэньні яго з навучальнай установы "за парушэньні правілаў унутранага распарадку".

Безумоўна, што гэты факт зьвязаны менавіта з палітычнай актыўнасьцю студэнта, бо сэсію ён здаў на выдатна.

Палітзьняволенаму, лідэру "Маладога Фронту" Паўлу Севярынцу, каторы адбывае пакараньне ў выглядзе абмежаваньня волі за арганізацыю акцыяў пратэсту, адмоўлена ў атрыманьні адпачынку "Да завяршэньня палітычных падзеяў". Пра гэта БелаПАН паведаміў бацька палітыка Канстанцін Севярынец.

Па ягоных словах, сын павінен быў атрымаць заплянаваны адпачынах на тры дні ў лютым. "Але начальнік выхаваўчай установы майор Ігар Дамуць заявіў Паўлу, што адпачынка да завяршэньня выбараў і іншых палітычных кампаніяў ён не атрымае. Таму, Дамуць адмовіўся падпісаць Паўлу дазвол на адпачынак, хаця з дысцыплінаю ў Паўла ўсё добра і іншыя неабходныя подпісы пад дазволам ён атрымаў", - паведаміў Канстанцін Севярынец.

Па ягоных словах, гэта рашэньне начальніка будзе абскарджвацца ў пракуратуры і дэпартаманце выкананьня пакараньняў МУС.

Вось ужо паўгоду адбывае пакараньне на "хіміі" лідэр "Маладога Фронту" Павал Севярынец. Абмежаваньнем волі ён быў пакараны за арганізацыю вулічных пратэстаў супраць фальсыфікацыі выбараў і рэфэрэндуму. Павал Севярынец жыве ў спэцінтэрнаце ў вёсцы Малое Сітна Полацкага раёну і працуе на лесапавале.

Усе марозныя дні Павал Севярынец працаваў на лесапавале. Хаця ўмовы працы ў лесе больш складаныя, чым на лесапункце, дзе ён працаваў дагэтуль, заробкі тут у два разы ніжэйшыя. Гаворыць Павал:

Напярэдадні афіцыйнага пачатку выбарчай кампаніі ў Беларусі адбыліся шматлікія затрыманьні палітычных актывістаў, ператрусы ды ізаляцыя палітвязьняў, якія адбываюць пакараньне ў спэцкамэндатурах. Сябры моладзевых рухаў паведамляюць, што адчуваюць моцны ціск з боку ўладаў. Іх выклікаюць на размовы ў міліцыю паасобку і разам з бацькамі, пагражаюць выключэньнем з вучобы і звальненьнямі з працы.

У спэцпрыёмніку-разьмеркавальніку на вуліцы Акрэсьціна знаходзяцца пяцёра прадстаўнікоў моладзевых незарэгістраваных арганізацый. Актывісты "Маладога Фронту" Павал Фігурын, Алег Корбан і Барыс Гарэцкі адбываюць 10 сутак арышту за ўдзел у акцыі Салідарнасьці 16 лютага. Алег Мяцеліца і Яўген Афнагель з руху "Зубр" па 15 сутак

Справаводзтва па крымінальнай справе на Зьміцера Касьпяровіча, якога за спробу вывесіць бел-чырвона-бела сьцяг на будынку Менгарвыканкаму абвінавачваюць па 339 арт. КК (хуліганства) завершана, і 27 лютага а 10-й гадзіне суд Маскоўкага раёну пачне судовае паседжаньне.

Як паведамляе маці Зьміцера Тацьцяна, чакаецца, што судовае паседжаньне можа быць завершана у адзін дзень. Па меркаваньні праваабаронцаў, сярод магчымых варыянтаў прысуду - некалькі год умоўнага прысуду ці "хіміі", альбо штраф з улікам ужо адседжанах у СІЗА 42 дзён.

Сёньня Палітычная рада аб'яднаных дэмакратычных сілаў прыняла рашэньне аб месцы і часе беларускага "майдану".

Паводле гэтага рашэньня, дэмакратычныя сілы заклікаюць усіх сваіх прыхільнікаў 19 сакавіка, а 20-й гадзіне прыйсьці на Кастрычніцкую плошчу, каб разам дачакацца і адстойваць сапраўдныя вынікаў выбараў, якія будуць абвешчаны праз незалежныя экзыт-полы эўрапейскіх, амэрыканскіх і расейскіх сацыялягічных цэнтраў.

Міжнародны каардынатар Хартыі-97 Андрэй Саньнікаў лічыць, што напярэдадні выбараў улады мяркуюць нэўтралізаваць найбольш актыўных дэмакратычных лідэраў.

У распаўсюджанай з гэтай нагоды заяве ён зазначыў, што "ёсьць даставерная інфармацыя пра тое, што ў дачыненьні шэрагу апазыцыянэраў плянуюцца прэвэнтыўныя арышты".

Яшчэ адно палітычнаматываванае выключэньне актывіста дэмакратычнага руху з унівэрсытэту адбылося ў Баранавічах. Дэкан фінансава-прававога факультэту Баранавіцкага Дзяржаўнага Ўнівэрсытэту Марына Юнкевіч, паведаміла аб адлічэньні з вучобы лідэру баранавіцкіх маладафронтаўцаў Сяржуку Марчыку.

Але, як зазначае сам Сяржук, яму не прадставілі афіцыйнае пастановы аб адлічэньні, таму ён працягвае наведваць заняткі:

Аляксандр Мілінкевіч атрымае тэлеэфір 22 лютага з 18.00 да 18.30 і 2 сакавіка з 18.30 да 19.00, а радыёэфір - 27 лютага з 8.30 да 9.00 і 6 сакавіка з 8.00 да 8.30.

Лідэр гарадзенскага "Маладога Фронту" Яўген Скрабутан адлічаны з трэцяга курса Гарадзенскага дзяржаўнага універсітэту імя Янкі Купалы, дзе ён вучыўся на беларускім аддзяленні філалагічнага факультэта.

У загадзе сказана, што адлічэнне студэнта звязана з парушэннем правілаў унутранага распарадка універсітэта.

Сёньня, пасьля правядзеньня акцыі "Салідарнасьці" 16 лютага на Кастрычніцкай плошчы, адбыліся суды над чатырма удзельнікамі мерапрыемства.

Аляксей Бычко, каторы вёў судовае паседжаньне над маладафронтаўцамі, вынес пастанову аб дзесяцісуткавым арышце актывістаў МФ па артыкуле 156 КоАП (дробнае хуліганства). Каардынатар Зубра Алег Мяцеліца, судзьдзёй Партызанскага раёну Алай Дзямінскай, па гэтым жа самым артыкуле адміністратыўнага кодэксу быў асуджаны да 15 сутак арышта.

Актывісты Маладога Фронту - Алег Корбан, Павал Фігурын і Барыс Гарэцкі, а таксама каардынатар Зубра Алег Мяцеліца правялі ноч у Менскіх РАУСах. Чакаецца, што сёньня, з 10 раніцы, над актывістамі дэмакратычнага руху пачнуцца суды.

Маладафронтаўцаў, каторыя былі затрыманыя на Кастрычніцкай плошчы, будуць судзіць у судзе Цэнтральнага раёну, а каардынатара Зубра ў судзе Партызанскага раёну.

16 лютага, у дзень "Салідарнасьці", у цэнтру Менску на Кастрычніцкай плошчы прайшла акцыя cалідарнасьці з семьямі зьніклых і рэпрэсаваных палітыкаў. Акцыя з удзелам каля трохсот чалавек, праходзіла блізу трыццаці хвілінаў і была жорстка разагнана менскім спэцназам.

Вядома пра дзесяткі затрыманых актывістаў дэмакратычнага руху, сярод іх два маладафронтаўцы - Барыс Гарэцкі і Алег Корбан. (ФОТА)

Cябры Каардынацыйнага камітэту "Эўрапейскай кааліцыі" прынялі зварот да лідэраў палітычных партыяў і рухаў. Яны патрабуюць выпрацаваць праграму сумесных дзеяньняў і ўзяць на сябе адказнасьць за правядзеньне вулічных акцыяў у часе выбарчай кампаніі.

"Эўрапейская кааліцыя" заклікала лідэраў партыяў і прэтэндэнтаў на ўдзел у прэзыдэнцкіх выбарах пасьля заканчэньня галасаваньня 19 сакавіка правесьці сустрэчу з выбаршчыкамі.

Cёньня ў Беларусі адбудуцца чарговыя акцыі салідарнасьці з сем'ямі зьніклых і ахвяраў палітычных рэпрэсій. Сёньня а 6-й вечара на Кастрычніцкай плошчы Менску мае адбыцца жывы ланцуг на знак пратэсту супраць рэпрэсій.

Актывісты моладзевых незарэгістраваных арганізацый "Малады Фронт" і "Зубар" выйдуць на плошчу з партрэтамі зьніклых Юрыя Захаранкі, Віктара Ганчара, Анатоля Красоўскага і Зьмітра Завадзкага, а таксама палітвязьняў Міхаіла Марыніча, Андрэя Клімава, Міколы Статкевіча, Паўла Севярынца, Сяргея Скрабца і Валерыя Леванеўскага.

"Галасаванне за адзiнага кандыдата ў сённяшнiх умовах нiколi не трансфармуецца ў яго перамогу без абароны гэтай перамогi на вулiцах i плошчах Мiнску", - гаворыцца ў заяве Еўрапецскай кааліцыі, якая была прынята на чарговым паседжанні Каардынацыйнага камiтэту каалiцыi, у якi ўваходзяць, акрамя iншых, чатыры арганiзацыi - суб`екты Палiтычнай рады аб`яднаных дэмакратычных сiл.

Удзельнiкi пасяджэння прааналiзавалі вынiкi першага этапу выбарчай кампанii адзiнага кандыдата Аляксандра Мілінкевіча, у якiм арганiзацыi - удзельнiкi Еўрапейскай каалiцыi прынялi актыўны ўдзел і прайшлі да высновы, што 19 сакавіка ў Беларусі адбудуцца не выбары, а "чарговы фарс". Еўрапейская каалiцыя прапаноўвае Палiтычнай радзе дэмакратычных сiл прыняць рашэнне аб сустрэчы з выбаршчыкамi 19 сакавiка ў 20-00 у цэнтры Мiнску.

Моладзевыя рухі МАЛАДЫ ФРОНТ і ЗУБР выступілі з сумеснай заявай пратэсту супраць узмацненьня рэпрэсіяў да беларускай моладзі і заклікалі ўсіх, хто жадае бачыць Беларусь свабоднай і дэмакратычнай прыйсьці 16 лютага а 18 гадзіне на Кастрычніцкую плошчу беларускай сталіцы, каб запаліць разам сьвечку Свабоды.

У аўторак пракурор першамайскага раёну амовіў маці палітзьняволенага Артура Фінькевіча ў законным праве сустрэцца з сынам. Супрацоўнікі пракуратуры паведамілі бацькам Артура, што пытаньні ягонай крымінальнай справы разглядаюцца на значна вышэйшым узроўні.

14 лютага Артур Фінькевіч перадаў на волю ліст, дзе выказаў апасеньне, што суд над ім адбудзіцца толькі праз пяць тыдняў - тобок пасьля прэзыдэнцкіх выбараў.

Сёньня ў Мастах адбыўся суд над лідэрам гарадзенскага Маладога Фронту Яўгенам Скрабутанам. Яўгена, за тое, што ён меў пры сабе пяць тысячаў календарыкаў зь выяваю Мілінкевіча, зьвінавацілі ў распаўсюдзе матэрыялаў бяз выходных дадзеных і незаконнай агітацыі.

Спадарыня Боцька, каторая была судзьдзёю ў Яўгена, вынесла рашэньне аб віноўнасьці маладафронтаўца паводле двух артыкулаў адміністратыўнага кодэксу - 167 (незаконная агітацыя) і 173 (распаўсюд матэрыялаў бяз выходных дадзеных) і прысудзіла Яўгену 290 тысячаў штрафу.

Усё больш і больш графіці і налепак, кампаніяў "Мы хочам новага!" і "Достал!", зьяўляецца ў Менску і іншых гарадах Беларусі.

Прэс-служба бабруйскага МФ даслала нам фатаздымкі графіці ў сваім горадзе.

Уначы з 13 на 14 лютага ў Наваполацку быў затрыманы сябра Маладога Фронту і Партыі БНФ Аляксей Трубкін. Нагодай для затрыманьня стала тое, што ён прымацаваў да вулічнай дошкі аб'яваў каля гандлёвага цэнтру "Пралеска" налепку "Мы хочам новага!".

Аляксей быў дастаўлены ў пастарунак, дзе на яго склалі пратакол за парушэньне артыкулу 173 Кодэксу аб адміністрацыйных правапарушэньнях - распаўсюд друкаванай прадукцыі без выходных зьвестак.

У нядзелю, а 19 гадзіне вечара у цэнтры Менcку міліцыя затрымала чатырох актывістаў Маладога Фронту, а праз наўтары гадзіны - яшчэ аднаго.

Алега Дземчанку, Алеся Пазьняка, Ксенію Палаш, Алеся Світу й Мікалая Кастыленка даставілі ў Партызанскі РУУС, дзе на іх склалі пратаколы за расклейку ўлётак з заклікам 16 лютага прыйсьці на Кастрычніцкую плошчу і запаліць сьвечку ў знак салідарнасьці з палітзьняволеннымі і іхнымі семьямі.

У пятніцу вечарам ў Салігорску затрыманы сустаршыня Маладога Фронту Зьміцер Дашкевіч, а таксама бацька лідэра салігорскіх маладафронтаўцаў - Уладзімер Шыла.

Распавядае Зьміцер Дашкевіч: "Супрацоўнікі крымінальнага вышуку Салігорску і прадстаўнікі Менскага КДБ разам з двума машынамі ДАІ спынілі нас на выедзе з гораду, калі мы рухаліся ў бок Нясьвіжу. Знайшоўшы ў нашым багажы агітацыйныя матэрыялы і балёнікі з фарбаю, супрацоўнікі сілавых структураў затрымалі і даставілі ў салігорскі ГАМ. Там склаўшы пратаколы аб затрыманьні і канфіскацыі агітацыйных матэрыялаў мяне і Ўладзімера Шылу, недзе праз чатыры гадзіны, вызвалілі.

Адпраўляючы за краты маладых хлопцаў, пракуроры й судзьдзі нібы выносяць прысуды інхным маці. Сёньня сваіх сыноў чакаюць Тацяна Севярынец, Тацяна Касьпяровіч, Марыя Фінькевіч.

Каля алёшчынскае канторы на беразе вялікае лужыны, што ўвесь час паглыбляецца лесавозамі, стаіць надмагільны помнік з чырвонай зорачкай. Імя, імя па бацьку, прозьвішча. Дата: 1938-1994.

Я калісьці чуў гісторыю пра лётчыка, які разьбіўся ў навакольлі падчас вучэньняў на палігоне. Але вырашыў спраўдзіць - запытаўся ў рабочых.

Пасьля таго, як у Салігорску, стартавалі кампаніі "Достал!" і "Мы хочам новага!", салігорскія маладафронтаўцы адчулі на сабе небывалы ціск сталічных спэцслужбаў, якія метавіта для "разбору салігорскай сытуацыі" прыехалі у горад шахцёраў.

Ціск на маладафронтаўцаў распачаўся пасьля таго, як у нядзелю горад прачнуўся замаляваны надпісамі "Достал!" і "Мы хочам новага!", якіх за ноч зьявілася каля 300(!).

7 лютага лідэр Маладога Фронту Гародні, Яўген Скрабутан, быў выкліканы на адміністратыйную камісію гарадзенскага Выканкаму. У студзені на чыгуначнай станцыі ў Мастах яго затрымалі міліцыянты. У хлопца сканфіскавалі торбу зь пяцьцю тысячамі каляндарыкаў са здымкам А.Мілінкевіча і словамі "Люблю Беларусь".

Сябры Маладога Фрноту Іван Шыла, Уладзімер Лепеш, Крысьцціна Самойлава і Глеб Сандэрс былі затрыманыя ў Салігорску ўвечары 8 лютага. Маладых людзей абвінавацілі ў "навязваньні стужак з джынсавай тканіны".

Бацька аднаго з затрыманых Уладзімер Шыла, а таксама пацярпелы Глеб Сандэрс засьведчылі, што галоўнай прычынай затрыманьня міліцыянты назвалі тое, што маладыя людзі "ішлі па вуліцы падазрона".

У сераду актывісты Маладога Фронту павіншавалі свайго зьняволенага сябра і паплечніка з днём народзінаў й перадалі яму перадачу.

А 14 гадзіне маладафронтаўцы падышлі да сьледчага ізалятару на вуліцы Валадарскага, каб перадаць Артуру торт і сьвяточныя паштоўкі.

На прэс-канфэрэнцыі, якую праводзіў сёньня Малады Фронт, была агучана апошняя інфармацыі па крымінальных справах на маладафронтаўцаў Артура Фінькевіча, Аляксея Янушэўскага, Зьміцера Касьпяровіча, Паўла Красоўскага і Паўла Севярынца.

Напярэдадні прэзідэнцкіх выбараў беларускія маладзёвыя арганізацыі "Зубр" і "Малады Фронт" абвесцілі аб правядзенні кампаніяў "Мы хочам новага!" і "Достал!". Графіці, лістоўкі, налепкі, газэты, расцяжкі з'яўляюцца сёння па ўсей краіне, дэманструючы настрой беларускай моладзі, якая прагне пераменаў і хоча бачыць Беларусь вольнай і дэмакратычнай.

У суботу Павал Севярынец быў выкліканы да начальніка Ветрынскай спэцкамэндатуры, які вынес папярэджаньне зьняволенаму палітыку.

У пятніцу пракурор Першамайскага раёну прад'явіў абвінавачваньне і абраў меру утрыманьня Артуру Фінькевічу і Аляксею Янушэўскаму.

Як інжынэр-геоляг са спэцыялізацыяй "Разьведка карысных выкапняў", пасьля пяці месяцаў, праведзеных на палявых работах у Малым Сітне, магу з усёй адказнасьцю заявіць...

У Салігорску 3 лютага былі затрыманыя міліцыянтамі 15-гадовыя актывісты моладзевага дэмакратычнага руху Іван Шыла і Яўген Мядзьведзеў.

Як паведаміў Радыё Свабода лідэр салігорскіх маладафронтаўцаў Іван Шыла, іх падазраюць у распаўсюдзе ўлётак пра Малады Фронт. Хлопцы правялі ў пастарунку некалькі гадзінаў. Іван Шыла быў адпушчаны без складаньня пратаколу і тлумачэньня, а на Яўгена Мядзьведзева быў складзены пратакол аб адміністрацыйным правапарушэньні.

Як павдаміў адзін са сьледчых Першамайскага РАУСа Менску, Артур Фінькевіч і Аляксей Янушэўскі да рашэньня пракурора будуць знаходзіцца ў ізалятары часовага ўтрыманьня. Мяркуецца, што заўтра хлопцаў рашэньнем пракуратуры ці вызваляць, ці прад'явяць абвінавачаньне па крымінальным артыкуле.

Праваабарончая служба Маладога Фронту перадала Артуру і Аляксею цёплыя рэчы й ежу.

На актывістаў Маладога Фронту Артура Фінькевіча й Зьміцера Касьпяровіча ўзбуджаны крымінальныя справы.

Маладафронтаўцаў да гэтага часу трымаюць ў сьледчым ізалятары, дзе яны знаходзяцца ў жудасных перапоўненых камэрах. Толькі словы паплечнікаў і сяброў могуць падтрымаць зьняволеных.

Напішы палітвязьням:
220050 Менск, вул.Валадарскага 2, СІЗА №1, камэра 146. Касьпяровічу Зьмітру
220050 Менск, вул.Валадарскага 2, СІЗА №1. Фінькевічу Артуру

Рэгіянальныя структуры Маладога Фронту працягваюць рэалізацыю стратэгіі дзеяньня МФ, адзін з накірункаў дзейнасьці якой прадугледжвае правядзеньне ва ўсіх суполках справаздачна-выбарчых сходаў.

22 студзеня справаздачна-выбарчае паседжаньне было праведзена ў Гародні. Кіраўніком арганізацыі пераабраны Яўген Скрабутан.

10 студзеня адбылося справаздачна-выбарчае паседжаньне Койданаўскай рады Маскоўскага раёну менскага Маладога Фронту. Раённая структура заслухала й абмяркавала справаздачу свайго кіраўніцтва й пераабрала старшыню й намесьнікаў рады на наступны тэрмін.

На дадзены момант перарэгістраваныя шэсьць з дзевяці сталічных раённых радаў, а ў бліжэйшыя дні адбудзецца справаздачнае паседжаньне Менскай гарадзкой арганізацыі МФ.

Павал Севярынец адбывае свой тэрмін за арганізацыю акцыяў пратэсту супраць фальсыфікацыі вынікаў рэфэрэндуму-2004 на крайняй Поўначы Беларусі. Каб вырваць з грамадзкага жыцьця, яго закінулі ў глухі край. Там у радыюсе 30 км няма ніводнага газэтнага шапіка й царквы, ня кажучы пра Інтэрнэт і мабільную сувязь. Але Паўлу можна напісаць на адрас:

Паштовая адрэса Паўла ў Малым Сітне: 211656, Віцебская вобласьць, Полацкі раён, в. Малое Сітна, вул. Лясная, 11.

20 сьнежня адбыўся справаздачна-выбарчы сход смалявіцкага Маладога Фронту. У паседжаньні гарадзкой арганізацыі прыняў удзел сустаршыня МФ Зьміцер Дашкевіч. Маладафронтаўцы абралі новае кіраўніцтва й зацьвердзілі стратэгію дзеяньня на бліжэйшую палітычную кампанію.

З.Дашкевіч: "Дадзенае справаздачна-выбарчае паседжаньне праходзіла ў шэрагу крокаў, якія зацьверджаны Цэнтральнай радай Маладога Фронту ў стратэгіі дзейнасьці арганізацыі да прэзыдэнцкіх выбараў 2006 году. Трэба зазначыць, што смалявіцкая рада зьяўляецца адной з найбуйнейшых рэгіянальных структураў МФ і мае ў сваіх шэрагах больш за 20 актыўных сябраў.

Маладафронтаўцы актыўна ўдзельнічаюць у агітацыйнай кампаніі Аляксандра Мілінкевіча, а наваабраны лідэр смалявіцкага МФ адначасова зьяўляецца кіраўніком штабу адзінага кандыдата ад дэмакратызных сілаў смалявіцкага раёну."

Не да жартаў!