Мэмарыяльная лава “Ад народу ЗША народу Беларусі дзеля памяці” зноў была пашкоджана вандаламі. Таксама ва ўрочышчы зламаны дзесяткі крыжоў і зьняважаны сьвяты вобраз Маці Божай Курапацкай.

Сёньня ў сярэдзіне дня быў блякаваны доступ да сайту Маладога Фронту, а з уласнага сэрвера быў выдалены уліковы запіс.

"КДБ Беларусі зробіць усё, каб не дапусьціць дэстабілізацыі сытуацыі ў краіне у выніку магчымых масавых пратэстаў апазыцыі падчас прэзыдэнцкіх выбараў 2006 году."

27 лістапада 1920 ў мястэчку Грозава на Случчыне пачалося антыбальшавіцкае паўстаньне беларускіх сялянаў. Актывісты Маладога Фронту ўшанавалі памяць паўстанцаў Слуцкага збройнага чыну, наведаўшы легендарныя месцы.

Сем разоў на тыдзень, дзень пры дні Расейская імпэрыя праводзіць на тэрыторыі Беларусі спэцапэрацыю «Невель—Полацак». На чыгуначнай станцыі Алёшча спыняецца дызэль, які вось ужо колькі гадоў выконвае функцыі бронецягніка інтэграцыі — увозіць у Беларусь танны хлеб...

Пасьля візыту кіраўніцтва Маладога Фронту ў Салігорск адбыліся жудасныя затрыманьні актывістаў мясцовай арганізацыі. Маладым людзям заламвалі рукі й выбівалі зь іх прызнаньні.

Дзевяць гадоў таму ў Беларусі адбыўся рэфэрэндум, на якім Лукашэнка другі раз зьмяніў канстытуцыю краіны...

22 лістапада Украіна адзначыла гадавіну памаранчавай рэвалюцыі. Менавіта у гэты дзень, адразу пасьля першага тура выбараў, на майдане Незалежнасьці ў Кіеве зьявіліся першыя тысячы мітынгоўцаў, быў разгорнуты намётавы гарадок і увесь майдан стаў як вялізарны аранжавы сьцяг з надпісам "Так - Юшчанка!"

На першы погляд, яны такія ж, як і мы: маладыя, са сваімі праблемамі, марамі. Іх нават можна зразумець — яны хочуць пасьпяхова закончыць вучобу і дастаць нармальную працу. Але я ніколі не зразумею іх! Я імі пагарджаю!

Яны — актывісты БРСМ.

«Максімка» — шклоачышчальнік на аснове этылавага сьпірту. Таксычны. Пры пападаньні на адкрытую паверхню скуры прамыць праточнай вадой...

Напярэдадні прыезду Аляксандра Мілінкевіча, баранавіцкія актывісты Маладога Фронту правялі акцыю па распаўсюду агітацыйных матэрыялаў Кангрэсу дэмакратычных сілаў у Баранавіцкім Дзяржаўным Унівэрсытэце. ...

Лідэры бабруйскага Маладога фронту Валер Мацкевіч і Харытон Бондар ўчора былі выкліканы на допыт у пракуратуру ў зьвязку з падземі 7 лістапада, калі невядомыя аблілі усе помнікі Леніну ў горадзе памаранчавай фарбай.

Калі я пабачыў тое, што ў Малым Сітне засталося ад колішняй гаспадаркі наваполацкага заводу «Вымяральнік», падалося, што гэта — руіны разбомбленага Грознага...

Шэрыя вуліцы горада, цяжкае вільготнае паветра, сьцягі колеру крыві на кожным будынку і ў кожным завулку - гэта Бабруйск напярэдадні чарговай гадавіны савецкага перавароту. Ці як усё яшчэ модна казаць "Вялікай Кастрычнецкай Рэвалюцыі". Да апошняга моманту наш горад меў імідж "чырвонага". І нездарма. Яшчэ нядаўна, гады тры-чатыры таму, на шматлікіх сценах дамоў можна было ўбачыць аграмадныя плякаты э лёзунгамі кшталту "Слава социалистическаму труду" ці "слава КПСС", мазайку з маленькіх каменьчыкаў "Ленин всегда живой!".

Зараз плякаты зьмянілі на іншыя, з цытатамі Лукашэнкі, а па колькасці помнікаў "важдя" на душу насельніцтва як былі "впереди калоны всей" так і зараз у перадавіках, але…

8 лістапада Павал Севярынец атрымаў трохдзённы адпачынак з алёшчынскай "хіміі", дзе ён працуе ўжо больш двух месяцаў. Па заканадаўству, асуджаны на пазбаўленьне волі, пры ўмове добрых паводзінаў, раз на месяц мае права на кароткатэрміновы адпачынак. Таму, гэта ўжо другое наведваньне Паўлам малой Радзімы - Віцебску.

У сувязі зь ажыятажам вакол мінулага адпачынку Паўла, які супаў з правядзеньнем Кангрэсу дэмсілаў, зараз Павал атрымаў не пяць, а трое сутак "вакацыяў".

У дзень выдачы заробку ў Алешчы пачынаюцца крытычныя дні. Люд незадаволена бурчыць, атрымаўшы так званыя «разьліковыя лісткі», у якіх бухгальтэрыя расьпісвае кожнаму налічэньні й выдаткі за месяц...

Аршанская суполка "Маладога Фронту" напрацягу 2000-2001 гадоў, супольна з БМА, амаль штомесячна праводзілі рок-канцэрты.

У гэтым годзе аднаўленьне традыцыі "рок-сэйшанаў" патрапіла пад забарону.

Раніца. У маласіценскім лесапункце - урачысты сход. «Полацаклесу» - 75 гадоў. Выступае начальнік лесапункту:
- Цяпер наша аб’яднаньне перажывае ня лепшыя часы…

Павал Севярынец адбывае свой тэрмін высылкі на крайняй Поўначы Беларусі. Каб вырваць з грамадзкага жыцьця, яго закінулі ў глухі край. Там у радыюсе 30 км няма газэтнага шапіка й царквы, ня кажучы пра Інтэрнэт і мабільную сувязь. Але Паўлу можна напісаць на адрас:

Паштовая адрэса Паўла ў Малым Сітне: 211652, Віцебская вобласьць, Полацкі раён, в. Малое Сітна, вул. Лясная, 11.

1 лістапада маладафронтаўская дэлегацыя чарговы раз наведала свайго сябра і паплечніка Паўла Севярынца, каторы адбывае двухгадовае абмежаваньне волі ў вёсцы Малое Сітна, што на Віцебшчыне.

Перад прыездам у Малое Сітна маладафронтаўцы разам з Паўлам паварочалі бярвеньні ў вёсцы Алёшча, дзе той працуе нарыхтоўшчыкам лесу. Ужо другі тыдзень палітзьняволены выходзіць на працу ў другую зьмену - зь 15:00 да 23:30. Па меркаваньні Паўла, зроблена гэта было каб ён асабліва не раслабляўся, бо начная праца больш цяжкая і разьбівае дзень.

Нягледзячы на цяжкую працу Павал, дзякуючы сяброўскае падтрымцы ўсіх каму ён неабыякавы, трымаецца добра. Праз маладафронтаўскі сайт Паша перадае прывітаньне і словы вялікае ўдзячнасьці ўсім хто прысылае лісты са словамі падтрымкі.

"Ва ўмовах высылкі, гэта, разам зь Бібліяй, адзінае, што дазваляе не пахістнуцца ў веры і надае сілы для жыцьця і дзейнасьці" - зазначае заснавальнік Маладога Фронту Павал Севярынец.

25 кастрычніка адбыўся сход Аршанскай суполкі "Маладога Фронту". На сходзе абмяркоўвалася толькі адно пытаньне-20 тон хімічных адходаў, якія ў кастрычніку былі захаваныя на тэрыторыі г. Барань (Аршаншчына) ў непасрэднай блізкасьці да ракі Адроў.

Арганізацыя ўжо праводзіла шэраг акцыяў з мэтай прымусіць адміністрацыю УП "Лёс" прыбраць тыя адходы, ў тым ліку ў ліпені быў арганізаваны пікет. Але нядаўна інспекцыя аховы навакольнага асяроддзя дазволіла заводу захоўваць там хімічныя адходы трэцяй катэгорыі небясьпекі. Што на думку маладафронтаўцаў з'яўляецца незаконным ды антынароднам рашэньнем.

Як кажа старшыня вабласной магілёўскай арганізацыі МФ Ігар Казьмярчак, сябры арганізацыі адзінагалосна прынялі рашэньне працягваць ціск на ўлады да тае пары пакуль не зьнікне экалягічная небяспека. Абяццаеца "бескампрамісная ды жорсткае змаганьне за здароўе людзей і будучых пакаленьняў".

12 верасьня адбылося першае справаздачна-выбарчае паседжаньне, з дзевяці заплянаваных Управаю Маладога Фронту, што мусяць прайсьці ва ўсіх раённых структурах Менскага МФ на працягу верасьня.

Першымі перарэгістрацыю прайшлі сябры Партызанскае Рады Менскага МФ. На паседжаньні быў абраны новы кіраўнік Рады.

Па завяршэньні перарэгістрацыі, кіраўніцтва раённых Радаў Менску абярэ кіраўніка Менскага Маладога Фронту. Справаздачна-выбарчае паседжаньне Менскага МФ плянуецца правесьці на пачатку кастрычніка.

Малады Фронт запрашае ўсіх каму не абыякавы лёс Беларусі далучацца! Адбудуем разам - дэмакратычную, незалежную бацькаўшчыну!

тэл.: 8(029)755-69-90,
e-mail:mfront@tut.by