Малады Фронт. Нацыянальная ідэя - Хрысьціянскія прынцыпы: Інфармацыя /

Пакаленьне Маладога Фронту (rar) 98 кб - гісторыя моладзі, народжанай у 1970-85гг. (Павал Севярынец)

Нацыянальная ідэя. Фэнаменалёгія Беларусі (rar) 251 кб - Асэнсаваньне беларускай нацыянальнай ідэі як сутнасна хрысьціянскай праз дасьледваньне 200 самых вядомых беларускіх фэномэнаў (Павал Севярынец)

ЗВОЛІЛІ З ПРАЦЫ, ЗА ТОЕ ШТО ЗДАВАЎ ПАКОЙ МАЛАДАФРОНТАЎЦЫ

Супрацоўніка МНС Івана Пракапца звольнілі з працы за тое, што ён…здаваў пакой актывістцы Маладога Фронту Людвісі Атакулавай.

З пачатку навучальнага году маладафронтаўка Маўлюда Атакулава разам зь сяброўкамі, якія зьяўляюцца навучэнкамі сталічных ВНУ, здымалі пакой у Менску. Уладальнік кватэры Іван Пракапец працаваў пажарнікам у гарадзкім кіраваньні Міністэрства надзвычайных сытуацый ў званьні сяржанта.

“Асаблівага ціску цягам году не адбывалася. Толькі аднойчы ўчастковы выклікаў мяне і дзяўчат, што здымаюць кватэру, у райадзьдзел для дачы тлумачэньняў, на якіх падставах яны жывуць у кватэры”, - распавядае Іван Пракапец.

Напачатку чэрвеня адзін з супрацоўнікаў гарадзкога кіраваньня МНС запытаў, ці ведае Іван , што ім цікавіцца КДБ і супрацоўнікі камітэту прыходзілі на працу і паведамілі, што хлапец быццам бы стварыў у сваёй кватэры штаб-кватэру БНФ.

“Натуральна, я быў у шоку. У кватэры проста жылі цікавыя беларускамоўныя дзяўчаты, а да апазыцыі я дачыненьня ня меў”, - кажа Іван Пракапец.

Празь месяц Івану Пракапцу ўручылі абыходны ліст і працоўную кніжку і паведамілі аб звальненьні за парушэньне працоўнага кантракта…

“Аспрэчваць звальненьне я ня буду па прычыне таго, што больш ня маю жаданьня там працаваць. Я - футбаліст і таму, магчыма, зараз займуся трэнерскаю працаю”, - дзеліцца плянамі Іван Пракапец.

НАШЫЯ ВІНШАВАНЬНІ

2 верасьня сьвяткуе Дзень народзінаў цудоўная дзяўчыны Кася Галіцкая! =)

Даражэнькая Касенька!

Віншуем цябе з гэтым файным днём! Няхай твой жыцьцёвы шлях будзе прасякнуты радасьцю й прыгажосьцю! Няхай штодзёныя перамогі заўжды радуюць цябе. Хай твае вочы заўжды зьзяюць вераю й надзеяй у сьветлую будучыню нашай краіны.

Зычым Божай ласкі табе й моцы! Моцы, каб пабачыць жыццё яшчэ лепшым : )

НАПІШЫ!

Мікалай Аўтуховіч: 225295, Берасьцейская вобл., г. Івацэвічы, а/с 20, атрад №13, Папраўчая ўстанова №22

Уладзімер Асіпенка: 225295, Берасьцейская вобл., г. Івацэвічы, а/с 20, 1 атрад, Папраўчая ўстанова №22

Міхаіл Казлоў: 211300, Віцебская вобл., Віцебскі р-н, п.Віцьба, Папраўчая калёнія №3

Яўген Скрабец: 247210, г.Жлобін, вул. Леніградская, в/ч 83469

Андрусь Цянюта: 210023, г.Віцебск, вул.Фрунзэ, 41 б, вч 52287

Рамановіч Станіслаў: 220056, г. Менск, ваенны гарадок "Уручча", вч 29766