Маладзёвае грамадзкае аб'яднаньне МАЛАДЫ ФРОНТ - Нацыянальная ідэя-Хрысьціянскія прынцыпы

Стала вядома пра зьмену кіраўніцтва ідэялагічнага ўпраўленьня Менгарвыканкаму.

Як паведамляе БелаПАН, 19 сьнежня на пасадзе кіраўніка гэтага упраўленьня пачаў працу Генадзь Курбека, які да гэтага працаваў у адміністрацыі прэзыдэнта, а раней палітычным аглядальнікам на дзяржаўным тэлебачаньні. Былы кіраўнік ідэялагічнага ўпраўленьня Аляксандар Пухаў звольніўся з гэтае пасады па ўласнаму жаданьню.

[21 сьнежня 2005]
Прэс-служба Маладога Фронту

На працы рэгулярна ўсплываюць легенды, чутыя калісьці пра дэмакратаў, — і чаго тады ні сустрэнеш у гэтых зборах народнага фальклёру!

І тое, што ў Полацку на акцыях падлеткам плацілі па 20 даляраў («Сам бачыў!» — кляўся былы міліцыянт, які пры канцы 1990-х звольніўся з «ораганаў»)…

[9 сьнежня 2005]
Павал Севярынец, Малое Сітна

Павал Севярынец адбывае свой тэрмін за арганізацыю акцыяў пратэсту супраць фальсыфікацыі вынікаў рэфэрэндуму-2004 на крайняй Поўначы Беларусі. Каб вырваць з грамадзкага жыцьця, яго закінулі ў глухі край. Там у радыюсе 30 км няма ніводнага газэтнага шапіка й царквы, ня кажучы пра Інтэрнэт і мабільную сувязь. Але Паўлу можна напісаць на адрас:

Паштовая адрэса Паўла ў Малым Сітне: 211656, Віцебская вобласьць, Полацкі раён, в. Малое Сітна, вул. Лясная, 11.

20 сьнежня адбыўся справаздачна-выбарчы сход смалявіцкага Маладога Фронту. У паседжаньні гарадзкой арганізацыі прыняў удзел сустаршыня МФ Зьміцер Дашкевіч. Маладафронтаўцы абралі новае кіраўніцтва й зацьвердзілі стратэгію дзеяньня на бліжэйшую палітычную кампанію.

З.Дашкевіч: "Дадзенае справаздачна-выбарчае паседжаньне праходзіла ў шэрагу крокаў, якія зацьверджаны Цэнтральнай радай Маладога Фронту ў стратэгіі дзейнасьці арганізацыі да прэзыдэнцкіх выбараў 2006 году. Трэба зазначыць, што смалявіцкая рада зьяўляецца адной з найбуйнейшых рэгіянальных структураў МФ і мае ў сваіх шэрагах больш за 20 актыўных сябраў.

Маладафронтаўцы актыўна ўдзельнічаюць у агітацыйнай кампаніі Аляксандра Мілінкевіча, а наваабраны лідэр смалявіцкага МФ адначасова зьяўляецца кіраўніком штабу адзінага кандыдата ад дэмакратызных сілаў смалявіцкага раёну."

20 сьнежня пачалі дзейнічаць знакамітыя антыапазыцыйныя папраўкі ў Крымінальнага кодэксу. Відавочна, што гэтыя захады накіраваны на паралізаваньне нацыянальнага руху, і асабліва моладзі, як самай актыўнай яго часткі.

Таму, у выпадку блякаваньня нашага сайту вы зможаце знайсьці сайт Маладога Фронту на сэрвэрах mfrontnet.narod.ru ці mfront.boom.ru. Цягам бліжэйшых дзён люстэркі таксама зьявяцца ў вядучых эўрапейскіх зонах.

Малады Фронт запрашае ўсіх каму не абыякавы лёс Беларусі далучацца! Адбудуем разам - дэмакратычную, незалежную бацькаўшчыну!

тэл.: 8(029)755-69-90,
mfront@tut.by