Бабруйская міліцыя пагражае падкласці фугас у машыну маладафронтаўца Дзяніса Буйніцкага, які зьбіраецца ехаць у Менск на Кастрычніцкую плошчу 26 красавіка.

Нагадаем, Буйніцкі - адзны, хто пасьля разгону намётавага мястэчка падчас адбыцьця пакарання ў Жодзіна галадаваў дзесяць дзён, два з якіх - у сухую.

Буйніцкі: "Мяне прывезлі да загадчыка аддзелу аховы правапарадку і прафілактыкі Бабруйскага ГАУСа капітана Малішэўскага. Міліцыянт паведаміў пра паперу з аблвыканкама і прынёс пратакол, "аб офіцыйнай перасьцярозе, аб недапушчэньні антыграмадзкіх паводзін і ўдзелу ў незаконных сходах, мітынгах і шэсьцях", у тым ліку 26-га красавіка".

Прычыны вынясення перасцярогі хлопцам не тлумачылі, але загадалі ў ёй распісацца. Супрацоўнікі ГАУСа заявілі, што ведаюць пра пляны маладафронтаўцаў і маюць намер закласьці фугас у транспартны сродак, на якім актывісты Маладога Фронту зьбіраюцца ехаць у Менск. Пасьля гэтага актывістаў адпусьцілі.